Antollo (antojo en gallego, poesía)

Á carballeira nacéronlle chalés. 

O piorno forma parte dun balado.

A tenda pariu un supermercado.

A horta é de cemento armado.

O neno non sabe qué es un trespes.

O labrego está falando francés.

O paraugueiro está retirado.

Os carros das vacas xa son pasado.

O campo de fútbol está pobrado.

Morreu na porta o que foi un ciprés.

A viña é almacén de ferrogrés.

O salgueiro chorón está finado.

Descoñecidos pasan o meu lado.

Alguen dixo que papaba os cen pes.

Andresiño é agora don Andrés.

O carreteiro un adiñeirado.

O ignorante se cre un letrado.

Voto de menos os zocos nos meus pes.

Voto de menos ó cativo aloucado.

Ser vello faime ver todo do revés.

Xosé Enrique Oti García.