Antollo en galego - Os pecados capitais

 Eu pequei de "soberbia", petulante,
porque non quixen na fame esmola,
     anque viñera deses da estola.
  De "envexa" co cheiro dunha ola
    ateigada de chicha fumeante.

     De "gula" ó ver algo diante,
     en especial se era de tixola
    acompañado de pan e cebola
  De "ira" ó zouparme na escola
 porque quería morder ó cargante.

    De "avariza" o soñar con ante
       cando abordei a idade tola,
   e mentres trepaba por unha farola
     funme convertendo nun tunante.

     De "luxuria" coma un mangante
      ó ver nunha rosa una centola.
De "preguiza" por non romper a cachola
     dalgún que se pasaba de arrogante.

         A inseguridade foi insultante.
        Fíxome moverme na vella pola
      donde pousa o reiseñor sen cante.

      Desde cativo fun un inconstante.
       Vagaba no meu mundo de trola
        porque me via insignificante.

        Xosé Enrique Oti García.