Soneto en gallego (poesía)
Existe un estado
onde hai ríos de mel, turbulentos,
onde nacen e medran os contentos,
onde as almas son enredadeiras.
Estado de floridas aveleiras.
Estado de pícaros pensamentos,
onde se pode ver a rosa dos ventos
sinalando venturas duradeiras.
Estado onde non existe máis lei
que a que fai o merlo nas cerdeiras
ata que nas suas ramas se coroa rei.
Estado de excitación e toleiras,
estado polo que sempre agardarei,
estado, que gardas nas túas cadeiras.
Xosé Enrique Oti García.
Comentarios
Publicar un comentario